Contact Info
Coj Qhia Kom Paub tias Siv Xas Ua Tshuaj Rau Qhov Chaw Twg
Cov neeg mob es tau cuv npe rau qhov chaw siv xas ua tshuaj tsuas siv tau lawv cov tshuaj xas hauv ciam teb ntawm lub xeev Minnesota nkaus xwb. Sib xas ua tshuaj tsuas pub siv ntawm cov chaw ntawm ntiag tug tabsis tsis pub haus ua luam yeeb los yog haus yeeb nkag es tso pa tawm rau cov chaw muaj pej xeem tuaj siv es yog cov chaw txhaum cai yog tias haus luam yeeb los yog hauv yeeb nkag. Nws yog ib qho txhaum cai rau cov neeg mob cog lawv cov xas.
Cov tshuaj xas tsis pub siv los yog nqa:
- Hauv lub tsheb npav thauj mus kawm ntawv/tsheb maum van
- Ntawm ciam av hauv cov tsev kawm ntawv qib preschool los yog qib primary los yog secondary school.
- Ib lub chaw kaw neeg twg.
- Ntawm ciam av hauv cov chaw zov menyuam los yog cov chaw zov menyuam hauv tsev.
- Ntawm ciam av ntawm tsoom fwv cov tsev (xws li tsev hais plaub, pais xab nis xa ntawv, tshav nyooj hoom, thiab cov chaw uasi ntawm hu ua national parks).
Siv xas ua tshuaj haus yeeb nkab los yog ua luam yeeb haus es tso pa tawm mas tsis pub:
- Siv ntawm ib qho chaw txhua tus pej xeem siv, suav nrog rau cov chaw da dej hauv tsev los yog nraum zoov es qhib rau cov pej xeem txhua tus siv los yog qhov chaw ntawm cov neeg ua hauj lwm.
- Thaum tsav tsheb, los yog khiav tej lub cuab yeeb txiav khoom thiab ntawm ib qho chaw twg es cov pa xas yuav nqus tau los ntawm cov menyuam yaus es tsis yog cov muaj mob es siv xas.
Lwm yam qhia kom paub
Cov neeg es nyob hauv cov tsev apartment yuav tsum tau saib lawv daim ntawv cog lus xauj tsev los yog nrog lawv tus neeg tswj lub tsev xauj tham seb puas muaj tej tsab cai twg es tsis pub siv cov tshuaj xas hauv ib tug neeg twg chav tsev lawv xauj. Qhov no mas tseem ceeb heev rau cov neeg es nyob rau tsoom fwv cov tsev luam.
Vim tias tsoom fwv hauv teb chaws txwv tsis pub siv xas, lub tuam tsev U.S. Department of Housing and Urban Development (HUD) tsis muaj qhov kev txiav txim es tso cai rau cov neeg siv xas, nrog rau siv xas ua tshuaj kho, hauv cov tsev luam es yog tsoom fwv pab nyiaj. Rau cov neeg es ua ntawv thov tsev nyob, yog tias cov neeg muaj cai tswj cov tsev luam es yog tsoom fwv li los yog cov tswv tsev paub tias muaj ib tug neeg hauv tsev neeg siv yeeb siv tshuaj txhaum cai (nrog rau cov xas siv ua tshuaj kho), nws yuav tsis kam cia tus neeg ntawd los nyob rau lawv cov tsev.
Rau cov tsev npab phav loj, cov npab phav me, los yog cov tsev xauj thaum mus ncig uasi, nug txog cov cai ua ntej koj xauj pw.
Yog tias ib tus neeg mob es muaj npe cuv cia raug txhom los ntawm tub ceev xwm vim yog siv cov xas ua tshuaj kho no rau cov chaw es tsis pub siv, yuav tsis muaj kev tiv thaiv lawv los ntawm cov cai nyob hauv lub chaw cuv npe kom tau tshuaj xas siv thiab yuav raug tsub txim rau thiab raug nplua nyiaj.
Ceev cov tshuaj rau lub fwj es xub nqa los
Cov neeg mob yuav tsum ceev cov tshuaj xas nyob rau hauv lawv lub fwj es xub ntim (Daim ntawv me me es lo rau lub fwj muaj pov thawj qhia tias koj yog tus neeb muaj mob cuv npe nyob rau qhov chaw siv tshuaj).
Cov xas siv ua tshuaj yuav tsum tau muab ceev rau ib qho chaw kom zoo li lwm cov tshuaj kom menyuam yaus thiab cov tsiaj yug tsis txhob nkag mus muab tau. Rau tshuaj txaum thaum ti tes ti taw, hu rau Minnesota Poison Control System ntawm 1-800-222-1222. Muaj kev pab 24 xuab moo ntawm ib hnub, 7 hnub ntawm ib asthiv.