Contact Info
Yuav Ua Cas thiaj Ua Tau Tus Neeg Mob es Siv Tshuaj Xas
Txij thaum 2015, Cov chaw Muab Tshuaj xas Kho Mob hauv lub xeev Minnesota tau muaj lwm txoj hauv kev kho mob rau cov neeg es muaj tub mob es ua rau ib tug neeg twg tsis muaj zog, pab kom lawv lub neej kom nyob tau zoo dua. Nploo ntawv no muaj cov ntaub ntawv qhia seb yuav ua cas thiaj ua tau tus neeg mob es siv tshuaj xas ntawm cov chaw muaj kev pab.
Nyob rau nploog ntawv no
- Kauj ruam 1: Kom tau daim ntawv pov thawj rau koj qhov kev muaj mob
- Kauj ruam 2: Yuav cuv npe li cas
- Kauj ruam 3: Yuav koj cov tshuaj xas
Kauj ruam 1: Kom tau daim ntawv pov thawj rau koj qhov kev muaj mob
Ua ntej koj yuav koom tau nrog rau qhov chaw muab tshuaj xas, koj yuav tsum muaj daim ntawv pov thawj txog koj qhov kev muaj mob hauv online ntawm qhov kev cuv npe kom tau tshuaj xas hu ua Medical Cannabis Registry los ntawm ib tug kws kho mob hauv lub xeev Minnesota es muaj daim ntawv tso cai kho, ib tug neeg pab tus kws kho mob, los yog ib tus kws tu mob hu ua advanced practice registered nurse.
Cov tswv yim qhia kom paub nrhiav lub chaw koom nrog qhov kev kho mob:
- Nug koj pab neeg kho mob los yog pawg neeg tawm suab sawv cev rau koj qhov kev muaj mob.
- Tshawb nrhiav hauv internet, nrog cov vas sab tsim cov tshuaj xas hauv lub xeev Minnesota.
NCO NTSOOV: OMC tsis ceev los yog qhia tawm cov npe ntawm cov kho mob es koom nrog qhov program no.
UA NTEJ mus rau koj qhov teem caij nrog koj tus neeg kho mob, xav txog qhov es tsim ib tug email account rau koj siv tshiab (tsis txhob siv qhov chaw ua hauj lwm li), yog tias koj tseem tsis tau muaj. Lub Hoob Kas muab Tshuaj Xas Kho Mob yuav siv koj tus email nov xa cov ntaub ntawv qhia tshiab thiab lwm cov ntaub ntawv, nrog rau qhov link daim qhov kev cuv npe/daim ntawv thov.
THAUM TAB TOM mus ntsib, muab koj lub email rau koj tus kws kho mob. Nug kom nws muaj daim ntawv qhia txog koj qhov teem sij hawm mus ntsib nws thaib muab cov npe ntawm cov tshuaj koj noj tam sim nov. Nqa cov nov mus nrog koj thaum thawj zaug koj mus ntsib lub chaw Muab Tshuaj Xas Kho Mob.
TOM QAB koj tus kws kho mob muab daim ntawv pov thawj lees paub txog koj qhov kev muaj mob, koj yuav tau txais ib tsab email los ntawm lub Hoob Kas Muab Tshuaj Xas Kho Mob es muaj:
- Cov lus lees paub tias muaj tseeb txog koj qhov kev muaj muaj mob es muaj daim ntawv pov thawj los ntawm koj tus kws kho mob.
- Koj qhov link cuv npe hauv online kom muaj npe nqa Tshuaj Xas Kho Mob hu ua Medical Cannabis Registry.
Kauj ruam 2: Yuav cuv npe li cas
Thaum koj tau txais koj tsab email tias lees paub lawm, tam sim no koj cuv tau npe lawm! Ua raws nraim qhov link nyob rau hauv koj tus email rau kev cuv npe (tshawm nrhiav hauv lub npov spam los yog junk folder tsam ces koj ho tsis pom tsab email nyog rau hauv koj qhov email es ib txwm txais tau).
Yog tias koj xav tau kev pab tswj koj tus account ntawm kev cuv npe kom tau tshuaj xav kho mob los yog mus nqa cov tshuaj xas kho mob, koj yeej ntxiv tau ib tug pab tu koj, niam txiv/tus neeg muaj cai saib xyuas, los yog tus txij nkawm es ntxiv rau koj tus account lub sij hawm no.
UA NTEJ koj pib cuv npe hauv online, nrhiav kom tau koj:
- Daim npav ID ID es tsoom fwv muab, daim npav tsav tsheb, los yog daim passport.
- Siv lub koob thaij duab digital thaij los yog siv lub xov tooj ntawm tes thaij daim npav ID.
- Niam txiv/tus neeg muaj cai tu los yog tus txij nkawm daim npav ID thiab daim ntawv yug/daim ntawv sib yuav, yog tias muaj. Tshwj tsis yog tias tus neeg mob tsis tau muaj hnub nyoog txaus, ntxiv niam txiv/tus neeg muaj cai tu los yog tus txij nkawm mas nyob ntawm koj xwb.
Koj daim ntawv cuv npe es tau ua tiav yuav raug txheeb xyuas nrog cov neeg ua hauj lwm hauv lub hoob kas Muab Tshuaj Xas Kho Mob. Qhov no tej zaum yuav siv sij hawm ntev li 30 hnub, thiab koj yuav tau txais ib tsab email kom sai thaum koj daim ntawv thov raug lis lawm. Cov neeg ua hauj lwm hauv lub hoob kas Muab Tshuaj Xas Kho Mob tej zaum yuav sau email tiv tauj koj yog tias muaj lwm yam ntaub ntawv peb xav tau ntxiv.
NCO NTSOOV: Cov neeg mob es tau cuv npe rau cov chaw Muab Tshuaj Xas Kho Mob yuav tsum tau rov qab cuv npe dua txhua xyoo yog tias lawv tseem xav koom nrog qhov chaw nov. Kom paub ntau dua, saib hauv Yuav rov qab Cuv Npe Dua rau cov chaw Muab Tshuaj Xas Kho Mob li cas.
Kauj ruam 3: Yuav koj cov tshuaj xas kho mob
Thaum twg koj qhov kev cuv npe muaj kev pom zoo rau lawm, koj yuav nkag tau mus rau koj tus Medical Cannabis Registry account thiab mus nqa cov tshuaj xas kho mob ntawm lub chaw muab cov tshuaj xas es ze koj tshaj plaws. Saib ntawm Qhov Chaw Muab Tshuaj Xas Kho Mob.
UA NTEJ koj mus tom qhov chaw Nqa Tshuaj Xas Kho Mob:
- Ua kom tiav thiab xa daim ntawv ntsuam xyuas tus neeg mob tus kheej (Patient Self-Evaluation) hauv online (muaj nyob rau hauv koj tus account cuv npe nqa tshuaj xav kho mob hu ua Medical Cannabis Registry). NCO NTSOOV: Ib tug neeg muaj npe cuv cia es tu koj yeej ua kom tiav daim ntawv ntsuam xyuas tus neeg mob tus kheej (Patient Self-Evaluation) rau koj. Koj yuav tsum tau ua kom tiav ib daim ntsuam xyuas tus neeg mob tus kheej (Patient Self-Evaluation) tshiab txhua lub sij hawm thaum koj yuav cov tshuaj xas kho mob.
- Teem koj qhov caij.
NCO NTSOOV: Lub Hoob Kas ntawm Tshuaj Xas Kho Mob (Office of Medical Cannabis) tsis yog tus pom zoo rau daim ntawv ntsuam xyuas tus neeg mob tus kheej (Patient Self-Evaluation) los yog muab cov tshuaj xas kho mob. Cov neeg ua hauj lwm hauv lub Chaw Muab Cov Tshuaj Xas Kho Mob (Medical Cannabis Dispensary) yuav yog cov es muaj kev pom zoo rau koj daim ntawv ntsuam xyuas tus neeg mob tus kheej (Patient Self-Evaluation) ua ntej los yog thaum lub sij hawm koj mus nqa.
Nqa dabtsi nrog koj:
- Koj daim npav ID es tsoom fwv muab (koj tus neeg tu koj yuav tsum tau nqa lawv daim thiab thaum lawv mus nqa cov tshuaj).
- Cov npe tshuaj noj es kws kho mob sau kom mus yuav noj (thaum thawj zaug teem cai ntsib los yog thaum hloov tshuaj noj).
- Daim ntawv tus kws kho mob sau qhia tom qab mus kuaj mob tag es muaj daim ntawv pov thawj qhia txog koj qhov kev muaj mob (rau qhov teem caij thawj zaug).
- Kev them nuj nqi rau koj cov tshuaj. Kev them nuj nqi yuav sib txawv raws cov chaw. Cov tuam txhab pov hwm kev kho mob yuav tsis them cov nuj rau nqi tshuaj xas kho mob.
Ib tug kws muab tshuaj ntawm qhov chaw muab tshuaj xas kho mob (Medical Cannabis Dispensary) yuav muab koj tus account saib dua thiab qhia cov tshuaj twg rau koj siv es thiaj zoo.